Sigurvegari í getraun á Vísindavöku Rannís

02/10/2013

Einkaleyfastofan stóð fyrir getraun á Vísindavöku og tóku samtals 297 einstaklingar þátt í henni. Spurt var um fjölda bréfaklemma í glervasa sem komið hafði verið fyrir í sýningarbás Einkaleyfastofunnar. Fjöldinn var 1.987, en enginn þátttakandi var með rétt svar. Aftur á móti töldu ellefu einstaklingar að bréfaklemmurnar væru 2.000. Ákveðið var að veita einum úr þeim hópi nándarverðlaun. Nafn Isabellu Seymour var dregið upp úr pottinum og fær hún að launum hádegisverð fyrir tvo á veitingastaðnum Vox.

Bréfaklemman á upphaf sitt í Bandaríkjunum á 19. öld. Fyrsta einkaleyfi á klemmu, sem aðeins var hugsuð fyrir pappír, er frá árinu 1877 og það átti Erlman J. Wright. Bréfaklemman breiddist fljótt út um heiminn og var komin í framleiðslu í Bretlandi fyrir 1900. Menn hafa reynt að breyta bréfaklemmunni og betrumbæta hana, en upphaflega lögunin hefur reynst vera bæði vinsælust og hagnýtust. Klemman grípur án þess að rífa og heldur án þess að flækja.

Vinningshafi Vísindavaka 2013